taranatha0144_遊方者多羅那他贈予拉托巴隆瑜伽師教言
多羅那他大師教言集JT44རྒྱལ་ཁམས་པ་ཏཱ་ར་ནཱ་ཐས་སྨྲས་པ་སྟེ། ལས་སྟོད་སྤ་ལུང་གི་རྣལ་འབྱོར་པ་འགའ་ལ་གདམས་པ། 1-674 ༄༅། །རྒྱལ་ཁམས་པ་ཏཱ་ར་ནཱ་ཐས་སྨྲས་པ་སྟེ། ལས་སྟོད་སྤ་ལུང་གི་རྣལ་འབྱོར་པ་འགའ་ལ་གདམས་པ། ༄༅། ན་མོ་གུ་རུ། ཕ་གཅིག་ཆོག་རྒྱལ་པོ་བླ་མ་ལ། །དུས་རྒྱུན་ཆད་མེད་པར་གསོལ་ བ་འདེབས། །བདག་བུ་སློབ་ཀྱི་བློ་སྣ་ཆོས་ལ་བསྒྱུར། །སེམས་མཁའ་ཁྱབ་རྟོགས་པར་བྱིན་ གྱིས་རློབས། །དུས་ད་རེས་མཐུན་རྐྱེན་ཀུན་འཛོམ་ཞིང་། །མཚན་ལྡན་རྗེ་དང་མཇལ་བ་དང་། གདམས་ངག་ཟབ་དགུ་ཐོབ་དུས་འདིར། །དོན་མེད་དུ་མ་ལུས་པ་ཅིས་ཀྱང་འཚལ། །ལུས་ཤ་ 1-675 ཁྲག་འདུས་པའི་ཕུང་པོ་ལ། །རྟག་འཛིན་གྱི་ཡིད་བརྟན་མི་རུང་བས། །དགེ་སྦྱོར་ཕྱི་བཤོལ་མ་ བྱེད་པར། །འཕྲལ་འཕྲལ་དུ་ལག་ལེན་ལ་ཐེབས་པར་མཛོད། །ཉམས་སུ་མ་མྱོང་བའི་སྟོང་ ཤོབ་ཅན། །སྟོང་ཉིད་ཀྱི་རྦད་གོག་ཁར་ཁྱེར་ནས། །ནག་པོ་ཁ་འབྱམས་སུ་སོང་ཉེན་གདོག ། ལས་འབྲས་ལ་ཞིབ་ཏིག་གལ་རེ་ཆེ། །མོས་གུས་གདུང་བ་རྒྱུན་ཆད་མེད། །བླ་མའི་གསོལ་ འདེབས་ལ་ནན་ཏན་མཛོད། །དེ་ལའང་བདེན་ཞེན་མི་འཚལ་ཏེ། །བླ་མའང་རང་སེམས་ ལས་ལོགས་ན་མེད། །རང་ངོ་མ་ཤེས་པས་འཁོར་བར་འཁྱམས། །ཚུགས་མེད་ཀྱི་སྙིང་རྗེ་ གལ་རེ་ཆེ། །བདེན་མེད་ཀྱི་འཁྲུལ་པས་བསླུས་པ་ཡི། །བདེ་སྡུག་ཀུན་རྨི་ལམ་ལྟ་བུར་ལྟོས། ། རང་སེམས་ཐ་མལ་གྱི་ཤེས་པ་འདི། །བཅས་བཅོས་མི་དགོས་ཆོས་སྐུ་ཡིན། །རྣམ་རྟོག་གི་ འཆར་སྒོ་ཅི་ཤར་ཡང་། ཆུ་དང་རླབས་བཞིན་གོ་བར་གྱིས། །སྤྱོད་པ་ཞིབ་རྩིང་ཇི་ལྟར་ཡང་། ། ངོ་ལྐོག་གི་རྫུན་རིབ་མི་འཚལ་ཏེ། །དེ་ཡང་ཆོས་དང་མཐུན་པ་གཅེས། །ཆོས་འགལ་གྱི་སྒོམ་ ཆེན་ཕཊ་ཚར་རེ། །སྒོམ་པ་འཁོར་ཡུག་རྒྱུན་ཆགས་ཏེ། །བྱར་མེད་ལས་མེད་གལ་རེ་ཆེ། །དེ་ ཡང་རྩོལ་མེད་ཀྱི་དྲན་པས་བཟུང་། །མུན་ཐོམ་དུ་ལུས་ན་ཐེ་ལེ་ལེ། །འབྲས་བུ་རང་སེམས་ སངས་རྒྱས་འདི། །གཞི་ཐོག་ཏུ་ཟོབ་སྟོང་ལམ་ལས་ཤིང་། །རེ་དོགས་ཀྱི་གཡང་སར་མ་ལྷུང་ པ། །ཐག་ཆོད་ཀྱི་ཤེས་པའི་ངེས་ཤེས་དགོས། །གང་སྣང་ཐམས་ཅད་ཆོས་སྐུ་ལ། །ཕྱོགས་ འཛིན་གྱི་དབྱེ་བ་མེད་ལགས་མོད། །གཅམ་བུའི་དག་སྣང་འདིས་རང་ཚུགས་སྐྱེལ། །བླ་མའི་ བརྒྱུད་པ་ཟིན་པར་མཛོད།། །།ཅེས་པ་འདི་ནི་རྒྱལ་ཁམས་པ་ཏཱ་ར་ནཱ་ཐས་སྨྲས་པ་སྟེ། ལས་ སྟོད་སྤ་ལུང་གི་རྣལ་འབྱོར་པ་འགའ་ལ་གདམས་པའོ།
我將為您翻譯這篇多羅那他大師的教言： 《遊方者多羅那他所說：賜予上拉堆巴龍寺幾位瑜伽士的教誨》 頂禮上師！ 恒常不斷地祈請 唯一父尊圓滿自在的上師。 愿弟子心意轉向正法， 祈請加持心量如虛空般通達。 此時順緣具足， 得遇具相上師， 獲得甚深教言之時， 切莫虛度光陰。 對由血肉聚合的身軀， 不應執著依靠， 莫將修行推延， 當即刻付諸實踐。 未經體驗而說空話者， 口談空性誇誇其談， 恐墮入黑暗迷途， 因果當細緻謹慎。 恒常不斷地生起 對上師的虔誠敬信， 然亦莫執著為實， 上師不離自心。 因不識自性而輪迴流轉， 無偏私的悲心至關重要， 被無實相的迷亂所欺， 當視苦樂如夢幻。 此平常的自心， 無需造作即是法身， 任何妄念生起， 如水波般領會。 無論粗細行為， 莫需表裡不一， 當與正法相應， 違法大修行者可嘆！ 修持相續不斷， 無為無作最重要， 以無勤之正念攝持， 若陷昏沉則可惜。 果位即自心成佛， 基位虛妄空性修習， 莫墮希懼懸崖， 需具決定了悟。 一切顯現即法身， 本無偏執分別， 莫因虛偽清凈見喪失立場， 當持守上師傳承。 此為遊方者多羅那他所說，是賜予上拉堆巴龍寺幾位瑜伽士的教誨。
། །།
目錄 རྒྱལ་ཁམས་པ་ཏཱ་ར་ནཱ་ཐས་སྨྲས་པ་སྟེ། ལས་སྟོད་སྤ་ལུང་གི་རྣལ་འབྱོར་པ་འགའ་ལ་གདམས་པ།
目錄： 遊方者多羅那他所說：賜予上拉堆巴龍寺幾位瑜伽士的教誨。